LAOAG CITY – Saan pay a mabalin nga ideklara a sangagasot a porsiyento a durg free wenno drug cleared ti Ilocos Norte.
Daytoy ti inbatad ni Gov. Imee Marcos.
Segun kenkuana, agpayso a bumasbassiten ti bilang dagiti matiltiliwan nga aglaklako wenno agus-usar iti maipawil a droga ngem saan pay a tiempo tapno maideklara a kas drug free wenno cleared.
Kuna ti gobernador, saan a nakappapati a maramid daytoy gapu iti kaadda pay laeng dagiti matiltiliwan a drug personality.
Inbatad ni Marcos a bumasbassit met ketdin ti bilang dagiti matiltiliwan a saan a kas idi karugrugina a naruay dagiti natiltiliwan gapu ta naruay dagiti mabuteng.
Maibasar iti datus, addan agarup 4 a ribo ti natiliw a drug personality ditoy probinsiya a no sadinno a 480 kadagitoy ket natiliw babaen iti drug operation.
Target ti PNP ti Ilocos Norte a matiliw pay ti 1.80 a porsiyento a nabatbati a drug personality a no sadinno nga addan 1.22 a porsiyento ti natiliw.
