LAOAG CITY – Linapdan ti Korte Suprema dagiti pammilin ti Commission on Elections (Comelec) nga idiskuwalipika ken ideklarar kas nuisance candidates ti sumagmamano nga agkalikagom nga agkandidato para iti 2025 elections.
Nangiparuk-at ti temporary restraining order ti Korte Suprema iti pannakaipatungpal dagiti resolusyon ti Commission on Election a nangideklarar a nuisance candidates da Subair Mustapha a para-senador ken Charles Savellano nga agkandidato met a para kongresista iti Ilocos Sur 1st District.
Linapdan pay ti Korte Suprema ti panangibasura ti Commission on Election ti aplikasyon ni Chito Balintay a miyembro ti indigeneous peoples iti Zambales, iti panagkandidato na a para Zambales governor isut gapuna a saan a nakaipila ti Certificate of Candidacy na.
Pinaboran met ti Korte Suprema dagiti petisyon da Edgar Erice ken Florendo Ritualo, Jr. kontra iti panangiskwalipika ken panangkanselar iti certificate of candidacy na.
Mainaig iti daytoy, inbilin ti Korte Suprema iti Commission on Election a mangisumitir ti komento na kadagiti petisyon iti uneg ti 10 nga aldaw.
