LAOAG CITY – Inaprubaranen ti National Price Coordinating Council ti pannakaideklarar ti “Food Security Emergency for Rice” iti pagilian.
Segun ken ni National Price Coordinating Council Chairperson ken Department of Trade and Industry (DTI) Ma. Cristina Roque, daytoy ket napintas a damag para kadagiti Pilipino.
Inrakurak daytoy ni Roque kagiddan ti panagsursur na iti Pasig City Mega Market kadwa na ni Agriculture Sec. Francisco Tiu-Laurel Jr.
Kumpyansa ni Roque nga ad-adda pay a maprotehiran dagiti consumer ken mangpapigsa ti nasao nga addang iti Agricultural backbone ti Pilipinas.
Inlawlawag met ni Department of Agriculture Sec. Tiu Laurel Jr. a dakkel ti maitulong daytoy tapno ad-adda pay a lumaka ti presyo ti bagas iti merkado.
