LAOAG CITY – Kalikagum ti Brgy. San Lorenzo ditoy siudad ti Laoag a masapol nga amin a business owners ket mangikabil ti pagbasuraan kadagiti paglakoan tapno makaalada ti business clearance iti barangayda.
Segun ken ni Sangguniang Panlungsod Member John Michael Fariñas, tallo a pagbasuraan ti kasapulanda nga itugot no aglakoda para iti biodegradable, non- biodegradable ken recycle.
Inbatadna a daytoy ket tapno agtalinaed a maitandudo ti public sanitation, protektaran ti aglawlaw ken maprebentaran dagiti aktibidad nga agresulta iti polusion.
Inlawlawagna a karaman pay ditoy dagiti agap-aplikar ti permit-na a planona ti aglako iti Brgy. San Lorenzo ditoy siudad.
Innayonna a babaen iti daytoy a ganuat ket tapno masursuro ti proper waste segregation kadagiti lugar a paglakoan wenno pagpoestoan dagitoy iti nasao a barangay.
