LAOAG CITY – Adda ti rekomendasyon ni Pol. Chief Master Sgt. Eric Bumagat, ti hepe ti Philippine National Traffic Division ditoy siudad ti Laoag iti maipatungpal a baro a traffic scheme.
Daytoy ket kalpasan a nagngudo ita nga aldaw, Pebrero 14 ti 90-day experimental traffic scheme nu sadino a naipalubos ti left turn iti sumagmamano a kalsada ditoy siudad.
Kuna ni Bumagat, a maysa kadagiti rekomendasyon na ket ti panagtalinaed ti pannakaipalubos ti left turn iti nangalisan road.
Inpakaammo na a malaksid iti daytoy ket kalikagum na pay ti naan-anay a pannakaestablisar ti traffic lights partikular iti Nangalisan road, Rizal – Paco roman street, P.Gomez Bacarra road ken P.Gomez Ablan Avenue.
Immuna iti daytoy, inbatad ni Bumagat a ti namunganayan ti rekomendasyon na a pannakaikkat ti no left turn kadagiti sumagmamano a kalsada ditoy siudad ket para iti pannakaliklik ti nairot a trapiko.
