LAOAG CITY – Narugyanen ti pannakaikkat dagiti tilapia nga adda iti baybay iti akinlaud a paset ti Kauai idiay Hawaii.
Daytoy ti inbatad ni Bombo International Correspondent Manny Pascua idiay Hawaii.
Segun ken ni Pascua, kageddan ti pannakaselebrar ti Labor Day idiay Amerika idi kalman agpapan ita ket ado a volunteers, mangngalap ken empleado ti Division of Aquatic Resources ti napan timmapog iti danom tapno ikkaten da dagiti black chin a tilapiya.
Mamati dagiti maseknan a gapu kadagiti black chin a tilapia ket mapaksyaten dagiti orihinal a nabiag a lames iti baybay.
Naamoan nga immuna a naiserrek ti tilapiya idiay Hawaii idi 1962 agingga nga immadon dagitoy.
