LAOAG CITY – Kumpiansa ni Manila 6th District Respresentative Benny Abante Jr. a saan a makissayan ti kinadagsen ti impeachment complaint kontra ken ni Vice Presidet Sara Duterte no man agdesision ti House prosecution panel a saanen nga idasar ti Article 3 wenno ti bribery article iti impeachment court.
Ni Abante ti maysa kadagiti kangrunaan a nangipila ken nag-sponsor ti reklamo kontra iti Bise president, no sadinno a mamati daytoy nga umdas ken natibkeren dagiti agdama a naidasar nga ebidensia ken testigo ti prosekusion tapno mapaneknekan a naglabsing daytoy iti nagduduma nga impeachable offense.
Impettengna a ti ebidensia a naala mainaig iti threat article wenno ti pangta nga inaramid ni Duterte iti biag da Presidente Ferdinand Marcos Jr., Firs Lady Liza Araneta-Marcos, ken dati nga House Speaker Martin Romualdez ket umdasen a pagibasaran para iti conviction daytoy.
Agtalinaed a silulukat tiHouse prosecution panel iti pannakaurnos ti istratehiya bayat nga agtultuloy ti taray ti panangusig iti Senado.
