LAOAG CITY – Inlawlawag ni Brgy. Chairman Pedro Manuel Jr. iti Brgy. 60-B Madiladig ditoy siudad ti Laoag ti pannakaikkat ti barikada iti pagtaengan ti nagpositibo iti covid-19.
Daytoy ket ni IN-C365, babai nga agtawen ti 41, apor wenno store keeper ken residente iti nadakamat a barangay.
Segun kenni Manuel, naikkat ti barikada kalpasan nga ado dagiti nagriri a mannalon gapu ta awan pagdalanan da a mapan iti taltalon.
Nu pay kasta, inbatad na a naiget ti pannakamonitor dagiti nakapulapol ni IN-C365 a kabbalay na nu sadino a saan a maipalubos a rumuar dagito agingga nga awan ti resulta ti swab test da.
Immuna iti daytoy, adda ti naipadanon nga impormasyon iti Bombo Radyo seknan iti pannakaikkat ti barikada iti pagtaengan ni IN-C65.
