LAOAG CITY – Inlungalong ni Senador Loren Legarda ti dua a gakat tapno maipababa ti presio dagiti kangrunaan a magatgatang ken serbisio idinto a kalikagum a maipalawa ti exemption iti value-added tax (VAT) para kadagiti napapateg a kasapulan ken serbisio medikal.
Iti babaen kadagitoy a gakat, gagem ni Legarda a maipatungpal ti nainkalintegan a value-added tax system ditoy pagilian ken mangipaay ti nam-ay kadagiti pamilia a nababa ti birok dagitoy.
Iti babaen ti Senate Bill No. 1851 wenno gakat a Differentiated Value-Added Tax Rates Act, maipababa iti 10% ti value-added tax para kadagiti produkto ken serbisio a masansan nga us-usaren dagiti marigrigat ken middle-class a Pilipino.
