LAOAG CITY – Kinumpirmaran ni Vice Mayor Vicentito Lazo ditoy siudad ti Laoag nga adda ti prosseso iti panagilako ti scrap metal kalpasan a nasaludsod na iti Commission on Audit itay kallabes.
Daytoy ket mainaig iti pannakailako dagiti scrap material babaen ti City Engineering Office ditoy siudad ken agbalur ti 80 a ribo a pisos.
Immunan a naglikudan ti nasao nga opisina ti nasao a gatad ngem 40 a ribo a pisos ti naglakuan da kadagiti lanlandok a dinawat da iti nakaala kalpasan a naisubasta dagitoy iti kallabes.
Segun kenni Lazo, naipakaammo na daytoy iti konseho ken possible a mangaramid da iti resulosyon para ti pannakaimbestigar a naimbag ti nasao nga isyu.
Inpetteng na a masapul nga adda ti prosesso ken adda ti appraisal committee ditoy siudad.
Innayon ni Lazo a kalikagum nga imbestigaren ti konseho ti nasao nga isyu.
