LAOAG CITY – Inlawlawag ni Honorable Saul Lazo, ti Chairman ti Committee on Education ditoy probinsia no apay a karaman dagiti 23 nga opisial a kandidata ti Miss Ilocos Norte iti pannakaipaay ti scholarship grants.
Segun kenkuana, daytoy ket saan a panangbigbig ti kinapintasda nudiket di isuda ti mangitakder ti probinsia tapnu mabigbig ti kultura, heritage, ken turismo.
Daytoy ket kas paset ti amendments ti Provincial Ordinance No. 2026-09-061, wenno comprehensive scholarship ordinance, a daytoy ket immununan a naaprobaran .
Babaen iti daytoy a probision, dagiti 23 a kandidata ti Miss Ilocos Norte ket otomatiko a kwalipikado kas scholar ti probinsia, ken masapol laeng ti panag-comply kadagiti requirements ti nasao nga ordinansa.
Innayonna a kaadoan kadagitoy ket college students ken kasapolanda ti tulong pinansial.
Ti nasao a Provincial Scholarship Program ket para kadagiti secondary, tertiary, athletic, medical, and graduate studies pakairamanan ti master’s degrees iti priority programs a nabigbig tiMariano Marcos State University (MMSU) kas koma ti Nursing, Health Care Management, Agriculture, Renewable Energy, Guidance and Counseling, Management, Public Administration, ken Ilocano Studies.
