LAOAG CITY – Dinayaw ni Presidente Rodrigo Roa Duterte ti pannakaiparuk-at ti P1 billion subsidy para iti 178,000 public utility vehicle (PUV) drivers nga apektado iti global fuel prices.
Daytoy ti inbatad ni Presidential Spokesperson Harry Roque.
Segun ken ni Sec. Roque, kumpiyansa ti opisina ni Presidente Duterte a ti pannakaibunong ti cash assistance babaen ti Pantawid Pasada Program ti Land Transportation Franchising and Regulatory Board (LTFRB) iti transport sector ket makompleto sakbay nga agngudo ita a tawen.
Ti cash aid ket manamnama a maited kadagiti drivers kadagiti maudi a bolan ti 2021.
Inlawlawag ni Roque a committed ti gobyerno a tulungan dagiri drivers a kangrunaan a maapektaran iti oil price hike.
