LAOAG CITY – Inlungalong ti Sangguniang Bayan iti ili ti Vintar ti maysa nga ordinansa pakaseknan iti pannakaipaay ti tulong pinansiyal para kadagiti indibidual a sumangsango iti mental health condition.
Segun ken ni Vice Mayor Maribel Albano, Presiding Officer ti Sangguniang Bayan iti nasao nga ili, manipod kadagiti agtawen ti 18 agingga 25 laeng ket nairaman payen dagiti agtawen ti 26 agingga 59.
Inbatadna a makaawat dagitoy ti 500 a pisos iti kada bulan wenno mapagbalin a 3,500 iti kada kwarter.
Kunana a daytoy a tulong a pinansyal a maipaay kadagiti maseknan ket dakkel a tulong tapno adda mausarda iti pagplete a mapan agpa-check up.
Kabayatanna, babaen iti daytoy ket maipangpangruna ti pagsayaatan dagiti umili nga agsagsagaba ti nasao a sakit.
