LAOAG CITY – Saan a makaapektar ti pannakaipababa ti multa iti bilang dagiti matiltiliw a traffic violators ditoy ciudad ti Laoag.
Daytoy ti patien ni Police Lt. Col. Mar Louis Bondoc, ti chief of police ditoy ciudad ti Laoag.
Inlawlawag ni Bondoc a saan a ti kinababa ti multa ti pagibasaran no di ket ti istikto a pannakaiyimplentar ti paglintegan mainaig iti trapiko.
Inbatad na a nakita dagiti motorista a naiget ti panangipatungpal da ti linteg isut gapuna a bassit laeng dagiti aglablabsing iti daytoy.
Inpalgak na a nalaka man wenno nangina ti multa ket agtalinaed latta ti istrikto da a panangipatungpal da ti linteg ken ti panagtiliw da kadagiti traffic violators.
Immuna iti daytoy, kalikagom ti konseho ditoy ciudad ti Laoag a maamendaran ti sumagmamano a section ti Traffic and Order Code ditoy ciudad, pakairamanan ditoy ti possible a pannakaipababa ti multa manipod sangaribo a pisos ket mapagbalin a 500 a pisos.
