LAOAG CITY – Nangipeksa ti suporta ni Philippine National Police (PNP) chief Gen. Nicolas Torre III para iti maysa a gakat a gagem a maipababa ti tawen ti criminal liability.
Inbatad ni Torre nga iruarda ti panangsuportada iti isyu iti babaen ti panagsurat ken panangisubmitir daytoy kadagiti agpanpanday linteg.
Inpettengna a masapul nga ikonsiderar dagiti sientipiko a panagadal no sadinno a maibasar daytoy iti Republic Act No. 9344 wenno ti Juvenile Justice and Welfare Act.
Basar iti UNICEF wenno ti United Nations Children’s Fund Philippines, ti maturity ti utek ket dumanon iti agtawen ti sumurok-kumurang 16 a makaapektar iti panangkontrol kadagiti ubbing.
Mainaig iti daytoy, dagiti agpanpanday linteg a kalikagum a maipababa ti tawen ti criminal liability ket mamati dagiti ubbing nga agtawen ti siam ket maibilangen a criminally mature ken addaan ti kabaelan iti panangawat kadagiti banag.
Immunan nga inpila ti Kamara dagiti pannakabalbaliw ti linteg pakairamanan iti pannakaipababa iti tawen ti criminal liability iti 12 ken pakairamanan dagiti agtawen ti 9.
