LAOAG CITY – Inlawlawag ni Dr. Charito Malicad, city information officer ditoy siudad ti Laoag ti inpaulog nga Executive Order ni Mayor Michael Marcos Keon nu sadino a nakaipalaon dagiti nagduduma a pagannurutan kabayatan nga adda iti babaen ti Modified Enhanced Community Quarantine ti siudad.
Daytoy ket partikular iti pannakaipalubos nga agoperar dagiti establiyismento iti aldaw ti Domingo wenno iti No Movement Day.
Segun ken ni Malicad, ti pannakaipalubos nga aglukat dagiti establisyimento ket para iti disinfection ken saan nga a tapno agawat kadagiti cutomers.
Inbatad na a karaman ditoy ti panaggawat da kadagiti agsangpet a delivery kasta pay ti pannakaideliver ti order dagiti customers.
Mainaig iti daytoy, kuna ni Malicad a mapalubusan ti public ken private transportation iti aldaw ti Domino para laeng kadagiti APOR wenno Authorized Persons outside residence.
Innayun na a saan pay a maipalubos ti panagserrek ti jeepneys manipod iti sabali nga ili.
