LAOAG CITY – Manarimaan nga ad-adalen ti Sangguniang Panlungsod dtoy ciudad ti Laoag ti pannakaipangato ti multa dagiti agsalungasing iti linteg trapiko ditoy ciudad.
Segun kenni Vice Mayor Rey Carlos Fariñas, inpaima nan daytoy a banag iti Committee on Transportation ken ti naudi a panakaamendar ti traffic code ditoy ciudad ket idi pay laeng 2020.
Patien ti Bise Mayor a no saan a mapaigetan ti panakaimplementar dagitoy ket ado dagiti motorista a mangabuso.
Mainaig iti daytoym inbatad na nga addan to ti maisayangkat a public hearing iti daytoy a banag tapno mangegan no umanamong dagiti tattao wenno saan.
Namunganay daytoy kalpasan nga adda dagiti makaobserbar nga ado dagiti makaitured nga agsalungasing iti linteg trapiko ditoy ciudad gapo ta kaadoan kadagiti multa ket mangrugi ti 150 pesos.
Ummunan nga inbatad ni Mayor James Bryan Alcid a ti panagdesisyon iti daytoy ket ipaima iti konseho ti ciudad.
