LAOAG CITY – Naaprobaranen ti City Ordinance a pannakaipangato ti plete kadagiti tricycle ken kalesa ditoy siudad ti Laoag.
Daytoy ket inisponsoran ni Sangguniang Panlungsod Member Donald Nicolas no sadinno nga addaan ti 12 a butos, 0 negative, ken 0 absention.
Manipud iti dati a P20 iti tunggal 1.5 kilometers ket ngumato daytoy iti agingga P25 ken manayonan ti P3 ti tunggal 2 agingga 4 a kilometro idinto a P5 met iti 5 agingga 9 a kilometro.
Daytoy ket gapu iti agtultuloy a panagbalbaliw ti presio ti produkto a petrolio a kas kalikagum dagiti agpaspasada a maipangato ti plete.
Iti baet ti pannakaaprobar, kasapulan pay a dumalan daytoy iti Opisina ni Mayor James Bryan Alcid ken Opisina iti Sangguniang Panlalawigan.
Gapu iti daytoy, agtalinaed pay laeng ti P20 a plete agingga a maaprobaran ti dua a pagopisinaan ti naaprobran a P25 para iti pannakaimplementarna.
