LAOAG CITY – Inbatad ni Mr. John Rey Salud, presidente ti North Main Canal Irrigators Association dakkel a makatulong kadagiti mannalon nu maipangato ti presyo iti kada kilo ti irik.
Segun ken ni Salud, ad-adda a maapektaran ti presyo iti kada kilo ti irik iti panagbaliw ti paniempo nangruna nu natudo.
Kuna na a daytoy ti maysa kadagiti rason dagiti aggatang nu apay nga adda ti panagbaba ti presyo, banag a saan na nga anamungan gapu ta adda met dagiti mausar a drying facility.
Inbatad na a ti P13.50 agingga iti P14.50 a presyo iti kada kilo ket narigat pay laeng a makaabrot dagiti mannalon gapu iti nangina a gastos iti panagtalon.
Inpetteng ni Salud a nu bilang adda ti maipatungpal a baro a presyo a masurot para iti kada kilo ti irik ket masapol a maiplastar sakbay a matapugan ti panagapit tapno sapasap a nga aglako dagiti mannalon iti nangatngato a presyo.
