LAOAG CITY – Kinumpirmaran ni Mr. Rommel Nanay, ti vice president ti meat vendors association ditoy siudad ti Laoag a nagsuratda iti Laoag City Hall.
Daytoy ket mainaig ti pannakaipangato ti presyo ti karne ditoy siudad.
Kuna na a manipod iti 230 a pisos ket kalikagumda nga agbalin a 250 a pisos iti kada kilo.
Segun ken ni Nanay, ngimmato ti presyo ti live weight nu sadino a manipod iti 130 a pisos ket nagbalin a 140-145 a pisos rason a masapol met a ngumato ti presyo ti karne tapno saan a malugi wenno dakkel ti agbalin a pukaw dagiti meat vendors.
Innayun na nga iti agdama ket adon dagiti marigatan nga agsapol ti maparti a baboy gapu iti panagkurkurang ti suplay.
Mainaig iti daytoy, inpakaamo ni Nanay a nagsurat da metten ken ni Gov. Matthew Marcos seknan iti daytoy a banag.
