LAOAG CITY – Inlawlawag ni Atty. Bernie Constantino, ti dati nga IBP president ditoy Ilocos Norte ti pannakaipangato ti tawen ti sexual consent ditoy pagilian.
Daytoy ket ti pinirmaan ni Presidente Rodrigo Dutere kas linteg wenno ti RA 116481.
Segun ken ni Constantino, iti nasao a linteg ket mapatawan ti pannusa dagiti mabalin a suspek ti statutory rape wenno dagiti mangrames kadagiti ubbing nga agtawen ti nababbaba ngem 16.
Nu pay kasta, kuna na nga adda ti exemptions iti linteg ken daytoy ket nu ti kanaig ti agtawen ti nababba ngem 16 ket saan a lumabes iti tallo a tawen ti nagbaetan da.
Inbatad na a karaman ditoy ti kaadda ti pammalubos iti tunggal maysa, non-exploitative ken non-abusive.
Kabayatanna, inpetteng ni Constantino a saan a mairaman iti exemptions kadagti makainaig dagiti agtawen ti 12 agpababa addaan man ti pammulubos.
Nailanad iti Republic Act No. 116481 a daytoy ket isu ti nangamyendar iti Anti-Rape Act of 1997, ti maibilang nga statutory rape nu ti maysa nga indibidual nga addan iti usto a tawen ket makinaig iti iti indibidual nga awan pay iti tawen a 16.
