LAOAG CITY – Inlawlawag ni Barangay Chairman Rodolfo Ramirez iti Barangay Salet-Bulangon ditoy ciudad ti Laoag a sakbay a naawat dagiti lima a tricycle drivers ti lima ribo a piso nga inted ti DSWD ket addan ti panagtutulagan da iti asosasyon da.
Daytoy ket ti panangipasubli da ti dua ribo a pisos manipud iti inawat da a lima ribo a pisos para iti asosasyon dagitoy.
Segun kenni Ramirez, idi nakaawaten dagiti lima a driver ket ur-urayen met dagiti dadduma a miembro ti asosasyon a mangiwayat ti taripnong ti presidente tapno mapagsasaritaan ti ummunan a napagtutulagan da.
Kalpasan ti dua nga aldaw sipud nakaawat dagiti lima a miembro ti tulong pinansyal ket awan pay ti naangay a taripnong isut gapo na a nagkamang dagitoy kenkuana.
Inbatad na a ti nagbalin a balakad na kas kapitan ken adviser iti asosasyon ket pagsasaritaan da daytoy ken ditoy a nagpadespensar pay dagiti immawat gapo ta saan a natungpalti tulagan da tapno awan ti saan da a panagkikinnaawatan.
Ummuna iti daytoy, kunana nga arig na adda ti panagapas dagiti saan nga immawat a driver gapo ta madamdamag da met iti sabali a barangay a dagiti saan a naikkan ti tulong pinansyal ket inbingayan dagiti benipisyaryo.
Kunana pay a nagkiddaw dagiti drivers nga immawat nga iti agtapos ti bulan ti panangited da iti dua ribo a pisos para iti asosasyon gapo ta nagastos da metten daytoy.
Inpetteng na a saan a mapilpilit dagti benipisyaryo a mangted da ti dua a ribo a pisos ngem immanamong da met iti ummuna a tulagan da.
Innayon na a masdaaw no apay a rimwar pay laeng daytoy nga isyu gapo ta nasolbar da metten daytoy.
