LAOAG CITY – Saan a makasolbar ti pannakaipatungpal ti curfew hours iti nasapa a panagsikog ditoy probinsia.
Daytoy ti inpakaammo ni Mrs. Janet London, mangidadaulo ti Gender and Development Office.
Segun kenkuana, basar iti nagbalin nga obserbasionna ket imbes a dagus nga agawid dagiti estudiante iti pagtaenganda apaman a malpas ti klaseda iti pagadalan ket agturongda pay laeng iti sabali a lugar a pakaisungsungan dagitoy.
Inbatadna nga uray aniaman ti maipatpatungpal a linteg wenno pagannurutan iti maysa a lugar ket adda latta kadagiti nagannak ti dakkel a responsibilidad a nasken a bayabayanda dagiti annakda.
Kunana a babaen iti daytoy ket maliklikan a maiturong iti dakes a dana dagiti annak ken saan a maapektaran ti panagadal dagitoy.
