Pannakaipatungpal ti P20 iti kada kilo ti bagas iti baet a nangina ti presyo dagiti kasapulan iti panagtalon, dakkel nga epekto kadagiti mannalon – North main Canal Pres.

LAOAG CITY – Kangrunaan a maapektaran dagiti mannalon nu maipatungpal ti P20 a pisos a presyo iti kada kilo ti bagas.

Daytoy ti inbatad ni Mr. Jhon Rey Salud, ti presidente ti North Main Canal Irrigators Inc. kalpasan nga adda ti posibilidad nga umabot iti P120 milyon ti mapukaw iti kada tawen nu maipatungpal ti nasao a presyo.

Kuna na a kangrunaan a rason iti panagpukaw dagiti mannalon ket tin angina a presyo ti abono ken fertilizer.

Inbatad na a nu ikonsiderar ti puonan dagiti mannalon iti agdama kadagiti apit nga irik ket umab-abo iti nasurok a 13 a pisos, banag a bassit ti mapastrek da nu bilang maipatungpal ti 20 a pisos iti kada kilo ti bagas.

Kabayatanna, kuna ni Salud a nu bilang maipaay ti sumagmamano a kasapulan dagiti mannalon pakairamanan dagiti modern nga agricultural inputs a mausar iti panagtalon, awan unay ti epekto ti P20 a pisos iti kada kili ti bagas.

Immunan nga inbunannag ni Salud a mangnamnama iti panagballigi dagiti indatag a plano ni presidente ken Department of Agriculture Secretary Ferdinand Marcos Jr. para iti sektor ti agrikultura.