Naglikudan da Deputy Speaker Janette Garin ken Batangas Rep. Gerville Luistro nga adda ti seryoso a saritaan iti kamara de representantes nga isagsagana ni House Speaker Faustino “Bojie” Dy III kas possible a kasukat ni Vice President Sara Duterte no makonviktaran daytoy iti impeachment trial.
Segun ken ni Luistro, lead prosecutor iti impeachment case, nasapa pay tapno pagsaritaan ti possible nga agbalin a kasukat ni Duterte gapu ta mabalin pay a ma-convict wenno ma-acquit ti Senate Impeachment Court.
Kuna na pay nga awan ti mangmangngegan da a seryoso a saritaan maipanggep ken ni Dy gapu ta nakatutuk ti prosecution team iti impeachment trial.
Kastoy met ti inbatad ni Garin, a nangibaga nga adda dagiti mangibagbaga iti nasao a senaryo, ngem saan a maibilang a seryoso ti pannakailungalong daytoy.
Iti babaen ti Article VII, Section 9 ti 1987 Constitution, no mabakante ti Office of the Vice President, ti presidente ti manginominar ti kasukat na manipod kadagiti miembro ti senado wenno kamara de representantes a kwalipikado.
Kasapulan a kumpirmaren daytoy ti mayorya ti amin a miembro ti dua a pagpandayan linteg ti kongreso, babaen ti agsina a panagbotos da.
