Kinumpirmaran ti gobierno probinsyal ti Ilocos Norte babaen iti naiparuk-at a public advisory nga inaprubaran ti National IATF ti kiddaw ti probinsya a maisardeng pay laeng ti panagawat kadagiti Locally Stranded Individuals.
Daytoy ket mangrugi iti Setiembre 13 agingga intuno Setiembre 18.
Nakailanad iti nasao a public advisory a daytoy nga addang ket kas panangited ti panaginana kadagiti frontliners gapu iti agtultuloy a panagserbida kasta pay a makissayan dagiti adda kadagiti quarantine facilities.
Mainaig iti daytoy, nagkiddaw ti gobierno probinsyal nga agtultuloy ti kooperasyon ken panagan-anus tapno malabana ti covid-19.
