LAOAG CITY – Ibilang ni Mrs. Mary Jane Leaño a dakkel a makatulong ti pannakaisayangkat ti Little League Philippines ditoy probinsia pakairamanan ditoy siudad ti Laoag tapno maitandudo iti benneg ti turismo.
Inbatadna nga iti baet a naobserbaranda a bimmassit ti bilang dagiti turista ket adda dagitoy nga aktibidad a rason ti panagturong dagiti indibidual ditoy probinsia.
Malaksid iti daytoy, agtultuloy ti panangaramidda kadagiti wagas para iti sektor ti turismo kas kadagiti pagpasiaran ita a panawen ti kalgaw, panangpasayaat ti kalesa kas transportasion, merkado publiko, pasalubong center ken dadduma pay.
