LAOAG CITY – Inaprubaran ti konseho ditoy siudad ti pannakaamyendar ti sumagmamano a paset ti zoning ordinance ken mangipalubos iti pannakaisubli ti operasyon ti cockpit arena iti Brgy. 1 ditoy siudad ti Laoag.
Segun ken ni Sannguniang Panlungsod Member Atty. Jason Perera, saanen a masapol nga adda ti maiyuswat a public hearing seknan iti nasao a banag.
Daytoy ket kas iti pakaammo ni Mrs. Ruby Bunalade iti City Planning and Development Office, laketdi masurot ti mitigating device.
Immuna iti daytoy, inlawlawag ni Perera Rason a ti naamyendaran iti oridansa ket ti dati a nagtutulagan ti 11th Sangguniang nu sadino nga agricultural laeng ti pakaipanan na rason a nasukatan ken agtalinaed nga iti pay laeng Brgy. 1 ti pagtalinaedan ti galyera.
Inbatad na a babaen iti panagsubli ti operasyon ti galyera ket ad-adda a mapapigsa ti turismo ditoy siudad, pagsapulan ken dadduma pay a pamestreken.
Kabayatanna, kuna ni Perera a ti operasyon ti galyera iti Brgy. 1 ket posible nga umabot laeng iti dua a tawen ken maiyakar sakbay a maiyakar iti sabali a lugar kas iti plano iti Dicolandia.
