LAOAG CITY – Agpegpeggad a saan a maipatungpal ti ₱400 bilyon a balor dagiti proyekto imprastraktura ti Department of Public Works and Highways inton sumaruno a tawen.
Daytoy a ballaag ni House Appropriations Committee Chairperson Rep. Mika Suansing no saan a maresolbar ti saan a panagkinnaawatan iti 2026 budget ti Department of Public Works and Highways a naitantan pay laeng iti panangaprobar ti Bicameral Conference Committee wenno Bicam.
Nupay kasta, inpetteng ni Suansing, no sibubukel a maipatungpal ti ₱45 bilyon nga inkissay ti Senado iti pundo ti Department of Public Works and Highways ket maapektaran ti agarup 10,000 nga infrastructure projects ti ahensia.
Kuna ni Suansing, sigurado a maaddaan daytoy ti negatibo nga epekto iti panagdur-as ti ekonomia, panangipaay ti trabaho ken panangipaay ti serbisio iti kada komunidad.
