LAOAG CITY – Inbatad ni Hon. Ryan John Pascua, ti Presidente iti Liga ng mga Barangay ditoy probinsya a makatulong kadakuada nga agdama a kakapitan ti pannakaitantan ti Barangay at Sang Kabataan Elections.
Kuna na a gundaway da daytoy nga itultuloy dagiti narugyan da a programa ken nagduduma nga aktibidad iti masakupan da a barangay.
Inrakurak na pay a paneknekan da kadagiti kameng ti senado ken kamara de representantes a saan da a nagkamali iti panangitantan ti eleksyon iti maysa pay a tawen.
Segun ken Pascua, dagiti kangrunaan a programa da ket ti Hapag, Barco wenno Barnagay Road Clearing operation, ken iti “Kalinisan” kas mandato iti gobierno national.
Maipalagip a maiyuswat koma ti eleksyon intono Disyembre 1 ita a tawen ngem pinirmaan ni Presidente Ferdinand Marcos Jr. ti linteg a pannakaitantan daytoy isut gapuna a maipatungpal daytoy intono Nobyembre 2, 2026.
