LAOAG CITY – Inbatad ni Mayor Remigio Medrano iti ili ti Sarrat nga awan ti operational permit wenno sertipikasyon nga inyulog ti Department of Health maipanggep iti pannakaiserrek ti relic ni Servant of God Niña Ruiz Abad iti uneg ti Sta. Monica Church iti nasao nga ili.
Segun kenkuana, kalpasan naipadanon kenkuana nga adda ti relic ni Abad iti uneg ti simbaan ti Sta. Monica, sigud a nangipatulod daytoy ti surat iti biang ti Department of Health Region 1 tapnu maammuan no adda ti permiso dagitoy nangruna iti biang ti lokal a gobierno.
Inpettengna nga apaman a nabasana ti surat, naduktalanna nga awan ti permiso nga inparuk-atda mainaig ti nasao a banag.
Innayonna a nakailanad iti nasao a surat a babaen iti revised implementing rules and regulations ti Chapter XXI wenno disposal of dead person section 6 a naiget a maipawil ti panangiserrek iserrek ti bangaky iti maysa a lugar a saan nga autorisado ti Department of Health ken lokal a gobierno.
Mainaig iti daytoy, inlawlawag ti mayor a kalpasan a naawatda ti surat ket nangaramid daytoy ti kopia nga inpatulod a iti simbaan iti ili ti Sarrat.
inbatad na a saan a kontra ti anyaman a pammati dagiti tattao, ngem inkiddaw na a rumbeng kuma a sumurot iti usto a proseso ken ti nakailnad iti linteg.
Inadmitir ni Fr. Melchor Palomares, ti pannakangiwat iti Diocese of Laoag a nagkurangda iti panangipakaammo iti lokal a gobierno iti ili ti Sarrat nangruna ken ni Mayor Remigio Medrano maipanggep iti pannakaikabil ti holy relic ni Niña Ruiz Abad iti uneg ti Sta. Monica Church iti nasao nga ili.
Segun kenkuana, daytoy ket kalpasan a makita ti Diocese of Laoag nga awan ti rumbeng nga ipakaammo iti lokal a gobierno gapu ta awan met ti risgo a makitada a maipaayna iti aglawlaw ken dagiti tattao.
Inbatadna a ti pannakaikabil ti nabati a paset ti bagi ni Niña wenno maaw-awagan kas holy relic iti uneg ti simbaan ket paset iti proseso ti cause of canonization iti nasao a servant of God.
Kinunana nga idi kinalida iti nakaitaneman ni Niña wenno ti maaw-awagan nga “exhumation process” ket adda dagiti kameng ti Department of Health Regional Office gapu ta inpagarupda a saan pay unay a nagrupsa iti bangkayna.
Inlawagawagna nga apaman a nalukatanda ket nakita a naan-anay daytoyen a nagrupsa ken adda laengen ti sumagmamano a tulang iti nabati ken ti naipegket a dadduma a paset ti kawesna.
Gapu iti daytoy, inpakaammona a nakita dagiti kameng ti Department of Health nga awanen ti risgo a maipaayna daytoy nangruna iti salun-at dagiti tattao rason a saanen a kasapulan pay ti mangala ti permit ti nasao nga ahensia iti gobierno.
