LAOAG CITY – Naan-anayen a nakapagturpos dagiti miembro ti Bagsik Diwa CLASS of 2022 ti PMA.
Daytoy ket babaen iti panangidaulo ni presidente Rodrigo Duterte nga isu ti guest of honor and speaker ti seromanya iti Philippime Military Academy iti Gregoria H. Del Pilar, Baguio City.
Dagiti nagturpos ket bukbuklen ti 165 a lallaki ken 49 a babbai wenno kabuklan a 214 baro a lieutenant.
Iti panagsarita ni Duterte kabayatan ti seremonya, kuna na a dagiti kabaroan a kameng ti armada dagiti sumaruno nga agserbi iti pagilian.
Kuna na a dandanin ti panagngudo ti termino na, nu sadino nga iti panangrugi daytoy addan innem a tawen ti napalabas ket ti pannakaisardeng ti nagduduma a kriminalidad, korapsyon, iligel a droga ken dadduma pay nga iliga nga aktibidad ti kangrunaan a tinutukan na.
Nu pay kasta, inadmitir na nga iti las-od ti innem a tawen ket arig a saan a nakaumanay daytoy tapno maminpinsan a mapaksyat dagitoy.
Gapu iti daytoy, kuna na a dagiti nagturpos iti PMA ita a tawen ket isuda ti mangisalakan iti pagilian kadagiti sumarsaruno nga aldaw.
Inunannag na a dagitoy ti addaan ti responsibilidad a mangpatalinaed, mangprotektar ken mangipaay ti seguridad iti pagilian nangruna kadagiti Pilipino.
Paset ti panagsarita ni Presidente Rodrigo Duterte kabayatan ti panagbitla na iti graduation Ceremony ti Bagsik Kadiwa Class of 2022 ti PMA.
