LAOAG CITY – Inrekomendar ti Provincial Veterinary Office ti pannakalimitar dagit mairuar a baboy ditoy probinsya.
Segun ken ni Mrs. Loida Valenzuela, ti provincial veterinarian, adda ti naisayangkat a taripnong kadagiti hog raisers ken municipal wenno city agriculturist seknan ti pannakamonitor ti presyo ti karne ti baboy.
Kuna na a karaman a napagsasaritaan ti gandat a pannakaipuslit dagiti baboy ditoy probinsya.
Inbatad ni Valenzuela a gapu iti daytoy, mapaigetan ti pannakamonitor dagiti behikulo a sumrek ditoy probinsya tapno awan ti iligal a makaserrek wenno makaruar a baboy.
Immunan nga inpakaamo ni Valenzuela a maysa ti Ilocos Norte kadagiti probinsya nga ASF-Free isut gapu na a nasken a mamentenar daytoy.