LAOAG CITY – Inbatad ni Dr. Rufino Cravalho, ti mangidadaulo ti Municipal Veterinary Office iti ili ti Bacarra nga adda ti maysa a partidor ti naggandat nga agiserrek ti baboy a naggapo iti sabali nga ili.
Kuna na a gapu iti daytoy, naipasubli ti nasao a baboy agsipod ta adda ti mandar ti ni Mayor Nicomedes dela Cruz a maiparit pay laeng dagiti baboy nga aggapo iti sabali nga ili.
Mainaig iti datoy, inpakaammo ni Cravalho nga ad-adda a naigetan ti pannakamonitor dagiti sumrek a baboy iti ili da.
Inbatad na a ti implementasyon iti panagmonitor ket babaen met iti tulong dagiti barangay council.
Immunan nga inbaga ti veterinary officer a naikkan iti warning ti nasao a partidor ken nu agtultuloy ti aktibidad dagitoy ket mabalin da a masuspenso.
