LAOAG CITY – Kinumpirmaran ni PO2 Marlon Boromeo, ti sub-station commander iti Philippine Coastguard-Pagudpud nga agtultuloy ti pannakamonitor ti dalluyon ken dadduma pay a pagbaliwan iti aktibidad ti baybay.
Daytoy ket kalpasan ti panangiparuk-at ti National Disaster Risk Reduction and Management Council ti alert level system.
Kuna ni Boromeo a malaksid iti panagmonitor ti PCG ket mabuybuyugan daytoy ti pannakikoordinar iti dadduma a sub-station pakairamanan ti nagduduma a barangay nga isu ti katulungan iti information dissemination.
Mainaig iti daytoy, nagpalagip ni Boromeo a nu pay awan ti bagyo ket masapol nga agbalin nga alerto ken mamonitor ti baybay tapno maliklikan ti aniaman a dakes nga insidente bayat nga adda iti taaw.
Naamoan nga iti agdama ket umab-abot iti tallo a metro ti kangato ti dalluyon iti baybay.
