LAOAG CITY – Possible a maikonsiderar a mairaman iti probisyon ti ordinansa seknan iti pannakaipawil iti panagusar ti videoke nangruna no naideklara ti state of emergency.
Segun kenni Sangguniang Panlungsod Member Jayvee Baquiran, chairman ti committee on peace and order, mabalin a maamendaran ti ordinansa tapno mainayun ti nasao a pagalagadan kadagiti probisyon.
Kuna na a maikonsiderar pay no mabalin a mamulta dagiti agvideoke kabayatan ti state of emergency wenno pandemiya.
Innayon ni Baquiran a gapu ta adda ti memorandum ti Philippine National Police seknan iti nasao a banag, nasken laeng a maipatungpal a naimbag daytoy.
Immunan a naiparuk-at ti memorandum ti Philippine National Police a pannakaipawil ti panagusar ti videoke gapu ta makaistusbo kadagiti estudyante nga agad-adal iti babaen ti modular learning ken online learning.
