LAOAG CITY – Kwinestyonaran ni Sangguniang Panlalawigan Member Atty. Da Vinci Crisostomo, chairman ti committee on laws ti pannakanayon ti posisyon iti Provincial Legal Office iti kapitolyo probinsyal.
Daytoy ket kabayatan ti pannakatratar ti provincial ordinance seknan ti pannakaikkat ken pannakaaramid ti plantilla position.
Inlawlawag ni Mrs. Fe Siazon, Human Resource Officer a kasapulan ti maysa a posisyon nga Attorney 1 iti Provicial Legal Office tapno adda ti otoridad a sumango, babaen iti panangibagi na ti PGIN no bilang adda ti civil/admin cases.
Inbatad na a kasapulan daytoy a posisyon a mangmanihir kadagiti backlog cases kas dagiti sumagmamano nga empleyado iti Prov Engineering Office ken Provincial District Hospial.
Kuna na nga iti agdama a plantilla position ket 1 a Department Head, 2 a clerical position (vacant) ken utility worker.
Kwinestyonaran ni Atty. Crisostomo daytoy a posisyon gapu ta limitado met laeng ti trabaho ti Provincial Officer agsipod ta nakasentro met laeng iti legal matters mainaig iti Provincial Government.
Maipalagip nga inbatad ni Sangguniang Panlalawigan Member Medeldorf Gaoat a nasken a maipaayan ti importansya ti plantilla posistions iti benneg ti salum-at.
