LAOAG CITY – Inbatad ni private prosecutor Atty. Benjamin Tolosa Jr. a ti pannakapaay a mang-liquidate kadagiti doncifential funds iti baet ti pormal a panagkiddaw ket mabalin a maibilang kas prima facie evidence nga inusar dagiti accountable officers para iti personal nga interes.
Daytoy ket kalpasan a napagsaludsodan ni Tolosa no dagiti naduktalan a discrepancies kadagiti naisubmitir a dokumento ket mabalin a mangpaneknek iti di umiso a pannakausar ti pondo ti publiko.
Inlawlawag ni Tolosa a ti statement na ket naibasar met iti testimonia ni COA auditor Roderick Wamil.
Kinuna ni Tolosa nga uray no isubli ni VP Duterte dagiti kantidad a saan nga impalubos ti COA ket saan a mapukaw ti Article 1.
Kinunana a dua ti pagpilian ti maysa a partido no sadinno a makaawat daytoy iti Notice of Disallowance, bayadan ti gatad wenno agapelar kontra iti audit action.
Kabayatanna, ti sumaruno nga addang ti prosekusion ket ti panangibestigar no napanan ti kuarta ken no siasino ti aktual a nakaawat iti daytoy.
