(Update) LAOAG CITY – Addan ti inimbitaran ti PNP-Pinili ken pinagsaludsudan da mainiag iti pannakatay kalpasan a napaltupaltugan ni Arsenio Cajigal, linemen ti INEC ken residente ti Bgy. Alogoog iti ili ti Badoc.
Nagkedkedan pay laeng ni P/C/inps. Ryan Retutar Hepe ti Pulisya ti nasao nga ili a nangbigbig ti inimbitaran da a lalaki , no taga ano ken no ania ti trabaho na.
Segun ken ni Retutar, paset ti agtultuloy nga imbestigasyon da iti panakabigbig ti inimbitaran da a lalaki gapu ta maipagrup a kinabil na daytoy itay kallabes gapu iti saan a panagkinnaawatan.
Kuna na a saan met a nagkedked daytoy a dimmalan ti pharaphine examination ken maiyur-uray ti resulta na.
Kuna pay ni Retutar a saan pay a naikkat iti imbestigasyon da iti mabalin a motibo iti nangpaltugan da ken ni Cajigal a nakairamraman ti kadua na a linemen a ni Alex Baldugo a gapu iti pannakaaksidente da ket natukkol ti ima ken saka na ti trabaho da ken ti kina drug surenderer da.
