LAOAG CITY – Dakkel iti epekto na kadagiti programa iti Department of Health a “Doctor to the barrio” ti pannakapapatay ti maysa a doctor idiay Mindanao.
Daytoy ti inbatad ni Doctor Rogelio Balbag, kameng iti Sang Panlalawigan ken chairman iti committee on Health.
Inlawlawag ni Balbag a gapu ti pannakatay ni Doctor Dreyfuss Perlas kalpasan a napaltugan idiay Lanao del Norte ket agamak dagiti dodoctor kangrunaan na dagiti katurturpos na a maidestino kadagiti adayo a lugar.
Inaramid daytoy ni Balbag kalpasan a nasaludsud kenkuana no addan ti resulta ti panagkiddaw na iti DOH ti maysa a doctor a maidestino iti Tamdagan District Hospital idiay ili ti Vintar.
Kuna ni Balbag nga agpapan ita ket awan pay ti sungbat ti DoH iti kiddaw na.
