LAOAG CITY – Inbatad ni Mr. Jonathan Salvador, jeepney driver nga addaan ti rota a Laoag-Gabu ditoy ciudad ti Laoag nga ado dagiti maapektaran no ipatungpal ti Land Transportation and Franchising Regulatory Board (LTFRB) ti pannakapukawen dagiti traditional jeep iti pagilyan ken masukatan ti modern jeep.
Segun kenkuana, malaksid kadakuada nga agipaspasada ti tradisyunal a jeep ket maapektaran pay dagiti ado a pasahero.
Kuna na a kadagupan da nga agipaspasada ti tradisyunal a jeep ket arigna awan pulos ti umanamong iti nasao nga addang.
Inpetteng na nga iti paylaeng downpayment iti pananggatang da ti modern jeep ket saan dan a kabaelan gapu ta umabot iti 70 ribo a pisos iti kada unit.
Innayon na a ti kada bolan nga ibayad da iti modern jeep ket 32 ribo a pisos rason a saanda a kabaelan a bayadan.
Inpalgak ni Salvador a no maipursige daytoy nga addang ket nasaysayaat laengen no ti gobierno probinsyal lattan ti gumatang ket alaen da dagitoy nga isuda ti mangimaneho no sadinno a masweldoan da kas ti gagangay a maysa nga empleado.
