LAOAG CITY – Nagbalin a simple ti pannakaiyuswat ti seremonia iti pannakaselebrar iti maika-126 nga Independence Day wenno panagwaywayas ditoy Pilipinas iti sangonan ti Kapitolio Probinsial ti Ilocso Norte.
Kagiddan daytoy, nagyaman ni Vice Gov. Cecilia Araneta Marcos kadagiti amin a nagatendar iti pannakaselebrar iti naisangsangayan nga aldaw ken pakararitaan ti pagilian kas kadagiti Sangguniang Panlalawigan Members, sumagmamano nga opisial manipod kadagiti nagduduma a lokal a gobierno ken dadduma pay.
Inrakurakna a napateg ti pananglagip iti napalabas a panawen nangruna kadagiti inpaay a sakripisio dagiti maibilang a bannuar ditoy pagilian.
Kunana a masapol laeng nga ikkan ti importansia ita nga aldaw tapno maikkan ti pammigbig dagiti amin a Pilipino nga adda iti likudan ti naballigi a panagbiag dagiti umili iti agdama a panawen.
