LAOAG CITY – Inrakurak ni Mayor-elect James Bryan Alcid nga awan pay ti kasiguradoan no dagiti empleado ti Laoag City Hall ket masuktan apaman nga agtugaw iti puesto.
Inlawlawagna a nasapa pay a maammoan ngem kas maysa a naggapu iti benneg ti administrative ken negosio ket masapul nga agbalin a professional ken nasken a ti maysa nga indibidual ket napasnek nga agtrabaho.
Nupay kasta, kunana a sabali met a saritaan dagiti nalabes ti inar-aramidna wenno nakiramraman kadagiti isyu iti naglabas nga eleksion.
Innayonna a masapul ti transition tapno ad-adda pay a mapapintas ken mapasayaat iti intero a siudad ti Laoag.
