LAOAG CITY – Matungpal laeng ti pannakasuspenso ti 2022 elections nu adda ti pannakaamyendar ti konstitusyon.
Segun ken ni Atty. Alipio Castillo, ti provincial election supervisor, naiyataday iti konstitusyon ti limitado a tawen a panagturay dagiti nagduduma nga opisyal iti lokal ken national.
Gapu iti daytoy, kuna na a nu daytoy ti masukatan ket isu laeng ti gundaway a mabalin a masuspenso ti naituding nge eleksyon.
Inlawlawag na nu pay adda iti kangatoan a pwesto ni Presidente Rodrigo Duterte ket saan a makaumanay ti iparuk-at na nga executive order nu bilang kalikagum na a masuspenso ti eleksyon.
Inbatad na nga uray iti biang ti Comelec ken dagiti agpanpanday iti senado ket awan ti bisa ti resolusyon a kalikagum a mangsuspenso ti eleksyon.
Immuna iti daytoy, inlawlawag ni Castillo a tapno maamyendaran ti konstitusyon ket adda dagiti tallo a modes.
Karaman ditoy ti constitutional convention, constituen assembly babaen iti kongreso ken ti referandum.
