LAOAG CITY – Manamnama a malpas ti pannakatarimaan ti kalsada iti Suba Road ditoy siudad ti Laoag inton bulan ti Agosto.
Segun ken ni Engr. Angelito Dian, Assistant District Engineer ti Department of Public Works and Highways – First District Engineering Office binagaanda ti maseknan a kontraktor iti nasao a proyekto a nasken a maileppasda daytoy iti katapusan ti Agosto.
Inbatadna a daytoy a proyekto ket rumbeng a malpas sakbay nga agngudo ti bulan ti Agosto kas maibasar iti kontrata.
Inlawlawagna nga adda ti kalawana daytoy manarimaan a maipatpatungpal a proyekto ti dua a kilometro.
