LAOAG CITY – Naiyalud-od ti panakatratar ti Draft City Ordinance No. SP-2024-097 wenno ti gakat a panaka-amyendar ti Chapter 5 ti City Charges Article E a nakaipalaonan ti rental fees ti auditorium, City lot wenno ti Revised Revenue Code of 2022 ditoy ciudad.
Segun ken ni Sang. Panlalawigan Member Jayson Perrera ti Chairman ti Committee on Laws, Rules, Ethics and Privileges nga adda ti naiwayat a public hearing mainaig iti nasao a banag ken ditoy a napagsasaritaan ti saan a nabaybayadan a a makatawen a renta ti maipatpatakder a mall ditoy ciudad nga umaboten iti maysa a milyon a pisos.
Kunana nga iti agdama ket saan a mabalin a kolektaren daytoy isu nga inpropose ti managerial employees iti nasao a kompanya nga imbes a masayang ti maysa a milyon a pisos ket mangipaayda laengeng kadagiti goods kas iti de lata, bagas ken noodles a maibunong kadagiti maibilang nga indigent ditoy ciudad.
Mainaiag iti daytoy, inrakurak ti konsehal nga nagkiddaw da ti extension maipanggep ti nasao a banag, rason nu apay nga inkiddaw met konsehal a maiyalud-od ti pannakatratar na daytoy intun sumaruno a session nga inamongan met dagiti dadduma a miembro ti Sangguniang Panlungsod.
