LAOAG CITY – Saan pay a maibaga ti Bureau of Fire Protection (BFP) no manu amin ti balor dagiti nadadael ti pannakauram ti maysa a balay iti Barangay 23 ditoy ciudad ti Laoag.
Inbatad ni Fire Senior Inspector Ronald Castillo, firemarshall iti Bureau of Fire Protection (BFP) ditoy ciudad ti Laoag nga agtultuloy pay laeng ti imbestigasyon da.
Nabigbig ti agtagikua ti nasao a balay a ni Miss Linda Albano, agtawen ti 82, retirado nga empleado iti GSIS ken residente ti nasao a barangay.
Nupay kasta, kuna ni Castillo a ti inisyal nga imbestigasyon da ket rumrumuar a ti nangrugyan ti apoy a nangitunda ti pannakauram ti balay ni Albano ket ti paglutwan ti maseknan.
Naamoan a maipagarop a nabaybay-an ni Albano ti lutlutwen na a danom.
Mainaig ti daytoy, inpasingked ni Castillo nga awan ti makita da a pagilasinan nga adda ti nangiranta a nangpuur ti balay ni Albano.
