LAOAG CITY – Inbatad ni Fire Inspector Heinrich Gudoy, ti Firemarshall iti ili ti Pasuquin nga agtultuloy ti imbestigasyon da mainaig iti pannakauram ti dua a balay iti Barangay Davila iti nasao nga ili.
Kuna na nga agpapan ita ket saan da pay a nadeterminar no mano amin ti balor dagiti nadadael iti pannakauram ti balay da Estrelita Brigado ken ni Romeo Brigado.
Immunan nga inbatad ni Gudoy a basar iti pannakisarsarita da ken ni Romeo, inadmitir na nga adda dagiti gundaway a saan da a maid-iddep ti silaw iti balay da.
Gapu iti daytoy, daytoy ti kitkitaen da iti posible a nangrugyan ti uram.
Maipalagip a malaksid iti refrigarator ket awanen ti nasalbar pay a gamit dagiti maseknan.
Naamoan nga alisto a nagramram ti apoy gapu ta malaksid a naangin iti nasao a lugar ket kayo pay ti dadduma a partes dagiti nasao a pagtaengan ken daanen dagitoy.
