LAOAG CITY – Possibe a short circuit ti nangitunda ti pannakauram ti AB Casiano Lumber and Hardware a kukua ni Mr. Jerry Casiano iti Barangay 2, San Baltazar, San Nicolas, Ilocos Norte
Inbatad ni SFO2 Maira Ramos iti BFP iti ili a San Nicolas a no short circuit ti pangrugyan ti uram ket alisto laeng nga agramram.
Segun ken ni Ramos, dagus da a nagresponde apaman a naipakaammo kadakuada ti napasamak.
Malaksid kadakuada ket napan pay timmulong dagiti kameng ti BFP manipod iti ciudad ti Laoag ken Batac, ili iti Sarrat, Bacarra ken Dingras.
Kuna na a kaadoan kadagiti nauram ket pinta, thinner, bombilya, karton ken dadduma pay.
Innayon na a mapatta-patta nga umab-abot iti 300 a ribo a pisos ti balor dagiti nadadael iti napasamak nga uram.
Iti agdama,agtultuloy ti imbestigasyon ti BFP tapno maamoa no ania ti pudno a nangitunda ti pannakauram ti negosyo ni Casiano iti ili a San Nicolas.
