LAOAG CITY – Awan pay ti naestablisar da no nangrugyan ti apoy a nakauraman ti nasurok a 100 nga ektarya ti kabanbantayan a paset iti Sitio Gubang, Barangay Canaam ti ili a Vintar.
Daytoy ti inbatad ni Fire Senior Inspector Robinson Timbang, ti firemarshall iti Vintar, Ilocos Norte.
Segun ken ni Timbang, napasamak pay laeng ti uram idi Marso 17 ita a tawen ngem idi laeng Marso 25 a naipakaammo kadakuada ken ti involved ket nursery ken grassfire.
Kuna na pay nga idi naipakaammo kadakuada ken ti panagturong da ti lugar ket naiddepen ti apoy.
Innayon ni Timbang a basar ti pannakisarsarita da ken ni Barangay Kagawad Bert Agbayani ket adda dagiti sumagmamano a g-melina a nairamraman a nauram.
